Dreamer active member
Number of posts : 71 Age : 34 Registration date : 2008-03-20
| Subject: Gatak 7'eba Thu 10 Apr 2008, 20:42 | |
| باسمع اكتر ما بتكلم.. مش بازهق من السمع و اي حد بيتكلم بحب اسمعه المهم.. ساعات بقى مابقدرش امسك نفسي غصب عني بالاقي رد طلع مني تاك نيلة فيك وفي خيبتك كل ما يحصل حاجة متعجبنيش اقولها *** صاحبي اتصل و قاللي: بتعمل ايه؟ قلتله: ولا حاجة.. لسه صاحي م النوم قاللي: طب انا جايلك قلتله: تشرف قاللي: طيب قلتله: ايه مالك؟ قاللي:اتخانقت مع امي سألته: ليه كده بس؟ قاللي: اما اجي هحكيلك و لما جه قلتله ايه الحكاية بقى؟ قاللي: امي اتخانقت معاها وزعقت في وشها قعدت تعيّط رحت رازع الباب ونازل ساعتها رحت عامل ستوب قلتله: نهارك مش فايت قاللي: اسمع بس بقية الحكاية قلتله: اسمع ايه و زفت ايه.. حد يعمل كده في أمه يالا؟ هو انت كلك على بعضك كده تسوى حاجة في الارض من غير رضا امك؟ تاك نيلة فيك وفي خيبتك *** يوم تاني كنا واقفين في الجنينة وواحد جي فرحان اوي ومبسوط وسعيد وبيقولنا سمعتوا شريط (تيــت) الجديد؟ توووحفة.. رهيييب.. خطير قلتله: ياراجل.. سمعني كده و معلش رأي شخصي مقصدش ازعل بيه حد ايه (تيـــت) ده يا جدعاااان والله ولا صوت و لا صورة ولا أي حاجة خالص شلت السماعات من ودني و اديت الموبايل للواد وقلتله تاك نيلة فيك وفي خيبتك *** القعدة الجد بقى قعدة سياسية وكله يحاسب و يوسع.. كلام مهم بيتقال وحاجة عظمة يعني يطلعلي واحد يقوللي: يعني شوف ولاد الـ (تيـــت) بيصرفوا كام على حتة تمثال لا راح ولا جه والناس مش لاقية تاكل.. بلد بنت (تيـــت) صحيح تيـــت.. طبعا معناها ان الولد شتم بس انا حطيت تيـــت مكانها عشان الرقابة بس المهم الواد راح مكمل كلامه: احسن حاجة الواحد يهج من البلد دي ويعيش في بلد نضيفة بقى ويرتاح من القرف ده كله قلتله: طب ده مش يبقى اسمه هروب؟ قاللي: ياعم هروب هروب بلا خاوتة قلتله: طب تخيل كده ان الكام مليون شاب اللي في البلد بيفكروا زي حضرتك كده.. البلد حيبقي حالها ايه حضرتك؟ راح مولع سجارة و ضحك ضحكة هعهعه.. وقال: هتبقى خرابة.. هعهعه وكان ردي تاك نيلة فيك وفي خيبتك *** رفيقي في الدراسة بسأله سؤال جه على بالي فجأة بقولك ايه قاللي: نعمين ياحوووبي قلتله فكرني كده تاني معلش.. انت سقطت ليه السنة دي؟ قاللي: مكنتش بذاكر ياشيؤووز قلتله: ممممم.. ومكتش بتذاكر ليه؟ قاللي: معرفش قلتله: طب انت حابب الكلية اللي انت فيها و حابب المجال بتاعها؟ معرفش طب انت دخلت على أساس ايه؟ معرفش سألته: طب بلاش دول.. نفسك تشتغل ايه لما تتخرج؟ معرفش قلتله: طيب انت عارف إيه وانا اسألك فيه أساسا؟ أي دونت نووووو هعهع طيب تاك نيلة فيك وفي خيبتك *** صاحب صاحبي بقى.. دمه خفيف مووت و يحب الضحك.. عليه ضحكة عفاريت من اللي هيا.. وخصوصا انه ماشاء الله طول بعرض كنا قاعدين قعدة لطيفة ولقيته ضحك الضحكة اياها نياااااهاهاهاها قلتله: خير.. متضحكنا معاك يا عم الامور قاللي: امبارح و انا بكلم اخت صاحبتي في التليفون قلتله: لحظة بس معلش مسمعتش كويس.. أخت صاحبتك؟؟ قاللي: آه.. أخت صاحبتي و راح مكمل القصة.. بس مسمعتش منها حاجة وسرحت شوية بعقلي كده سرحت لاني اتكسفت اقوله تاك نيلة فيك وفي خيبتك لانه مش صاحبي.. ده صاحب صاحبي وقلت في بالي هو فيه راجل يقول صاحبتي؟؟ ايه الخيابة دي؟؟ تاك نيلة فيك وفي خيبتك يابعيد *** بس و بعد كده سرحت شوية و قلت في بالي ايه ده هو انا مصاحب الناس دي ليه ومصاحبهم ازاي؟؟ جاتني نيلة فيا وفي خيبتـي *** | |
|
MarMar_MaRtiN active member
Number of posts : 51 Location : zagazig, farouk street Registration date : 2008-04-02
| Subject: Re: Gatak 7'eba Fri 11 Apr 2008, 02:45 | |
| ههههههههههههههههههههههههههههههههههههه دا ايه الناس السئيلة دى جاتهم نيله فيهم وفخبيتهم | |
|
LEGEND Gold Member
Number of posts : 363 Age : 34 Registration date : 2008-03-10
| Subject: Re: Gatak 7'eba Fri 11 Apr 2008, 04:46 | |
| | |
|
Mohamed Negm Gold Member
Number of posts : 234 Age : 34 Location : Hehia\ Egypt Registration date : 2008-03-10
| Subject: Re: Gatak 7'eba Fri 11 Apr 2008, 13:36 | |
| مشكوووووووووووووووووور يا جمييييييييل علي الخيبه اللي ماليه الدنيا | |
|
sEaRcH 4 LoVe Silver member
Number of posts : 106 Age : 34 Location : in Da zagaziG , faRouk sT Registration date : 2008-04-02
| |
Dreamer active member
Number of posts : 71 Age : 34 Registration date : 2008-03-20
| Subject: Re: Gatak 7'eba Fri 11 Apr 2008, 20:29 | |
| | |
|